Gəncədə 3 otaqlı ev yanıb

Gəncə şəhərində evlərdən birində güclü yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, Gəncə şəhəri, Kəpəz rayonunda vətəndaşa məxsus ümumi sahəsi 131 m2 olan birmərtəbəli 3 otaqlı evin 1 otağının yanar konstruksiyaları 30 m2 sahədə və dam örtüyü 40 m2 sahədə yanıb.

Yanğınsöndürənlərin müdaxiləsi nəticəsində evin qalan hissəsi yanğından mühafizə olunub.

Babək Cahandarov