Heydər Əliyev Mərkəzinin parkında "Dihaj" qrupunun konserti olub – FOTO

Avqustun 19-da Heydər Əliyev Mərkəzinin parkında "Dihaj" qrupunun konserti keçirilib.

1news.az-a Mərkəzdən verilən xəbərə görə, qrup tamaşaçılara yeni albomundan mahnılar təqdim edib. "Dihaj"ın özünəməxsus, maraqlı ifası alqışlarla qarşılanıb.

Sonda qrupun solisti Diana Hacıyeva tamaşaçıların istəyi ilə sevilən "Gecələr" mahnısını ifa edib.

Növbəti tədbirlər barədə məlumatları Mərkəzin Facebook və Instagram (@heydaraliyevcenter) səhifələrindən izləyə bilərsiniz.

Mərkəzin parkındakı həftəsonu tədbirlərinə giriş sərbəstdir.

S.Xankişiyeva