FHN meşə yanğınlarını söndürmək üçün Gürcüstana helikopter göndərib

Azərbaycan Respublikası Prezidenti İlham Əliyevin tapşırığına əsasən, Fövqəladə Hallar Nazirliyi (FHN) Gürcüstandakı meşə yanğınlarının söndürülməsinə kömək məqsədilə helikopter göndərib.

1news.az-ın FHN-in saytına istinadən verdiyi xəbərə görə, helikopter Gürcüstanın Borjomi-Xaraqulsk qoruğunda baş vermiş meşə yanğınlarının söndürülməsində istifadə olunacaq.

“Avqustun 21-də Fövqəladə Hallar Nazirliyinin Aviasiya dəstəsinə məxsus helikopter havaya qalxıb və qonşu ölkədəki meşə yanğınlarının söndürülməsində iştirak edəcək”- deyə, FHN-dən bildiriblər.

Babək Cahandarov