Xaçmazda velosipedçini maşın vurub

Xaçmazda ölümlə nəticələnən yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə avqustun 26-da saat 20:00 radələrində Xaçmaz rayonunun Xudat şəhəri ərazisində qeydə alınıb.

Belə ki, Ləcət kənd sakini Etibar Məmmədov idarə etdiyi “VAZ-21074” markalı avtomobillə yolun hərəkət hissəsində velosiped sürən Şollar kənd sakini Ağadayı Cəbrayılovu vurub.

Velosipedçi xəstəxanaya aparılarkən aldığı xəsarətlərdən yolda ölüb.

Faktla bağlı Xaçmaz RPŞ tərəfindən araşdırma aparılır.

Babək Cahandarov