Qəbələdə baş verən meşə yanğınları yeni ərazilərə keçib - YENİLƏNİB
Qəbələ Meşə Mühafizəsi və Bərpası müəssisəsinin Bum meşəbəyliyinin Abrıx kəndi ətrafındakı meşə sahəsində başlayan yanğın çəkilmiş mineral şum zolaqlarının mövcudluğuna baxmayaraq, güclü külək nəticəsində həmin meşəbəyliyin Dandık, Sulquca kəndləri istiqamətinə keçib.
1news.az-a Ekologiya və Təbii Sərvətlər Nazirliyindən (ETSN) verilən məlumata görə, alovun qarşısını almaq üçün hadisə yerinə ETSN və Fövqəladə Hallar Nazirliklərinin əlavə qüvvələri və texnikası cəlb olunub.
Yüksək dağlıq və çətin relyefi olan meşə sahəsində davam edən yanğının söndürülməsi küləyin yenidən güclənməsi səbəbindən bir qədər də çətinləşib.
Qeyd edək ki, yanğının söndürülməsi üçün ETSN və FHN-in 500-dən artıq əməkdaşı mümkün olan bütün vasitələrdən, əsasən əl əməyindən istifadə edirlər.
S.Xankişiyeva
15.14
Qəbələ Meşə Mühafizəsi və Bərpası Müəssisəsinin Bum meşəbəyiliyinin Abrıx kəndi ətrafındakı meşə sahəsində başlayan yanğın çəkilmiş mineral şum zolaqlarının mövcudluğuna baxmayaraq, güclü külək Dandık, Sulquca kəndləri istiqamətinə keçib.
1news.az-a Ekologiya və Təbii Sərvətlər Nazirliyindən (ETSN) bildirilib ki, alovun qarşısını almaq üçün hadisə yerinə ETSN və Fövqəladə Hallar Nazirliyinin (FHN) əlavə qüvvələri və texnikası cəlb olunub.
Yüksək dağlıq və çətin relyefi olan meşə sahəsində davam edən yanğının söndürülməsi küləyin yenidən güclənməsi səbəbindən bir qədər də çətinləşib.
Yanğının söndürülməsi üçün ETSN və FHN-in 500-dən çox əməkdaşı mümkün olan bütün vasitələrdən, əsasən əl əməyindən istifadə edirlər.
S.Xankişiyeva
