İlhamə Quliyevasız 2 il: Xalq artistinin ifasında ən gözəl mahnılar – FOTO – VİDEO

2016-cı ilin fevralın 25-i Azərbaycan və Dağıstanın Xalq artisti, “Şöhrət” və “Şərəf” ordenlərinin sahibi İlhamə Quliyevanın vəfat günüdür.

İlhamə Quliyeva 1943-cü ilin avqustun 17-də Bakıda – Xalq artisti Tükəzban İsmayılovanın ailəsində doğulub. O, 1965-1970-ci illərdə Azərbaycan Dövlət Teleradio Verilişləri Şirkəti Estrada Orkestrinin, 1970-1980-cı illərdə isə Azərbaycan Dövlət Filarmoniyasının solisti olub. 1980-cı ildən Azərbaycan Dövlət Qastrol-Konsert Birliyinin (Azkonsert) solistidir.

Repertuarına Azərbaycan və xarici ölkə bəstəkarlarının əsərləri daxildir. Bir sıra xarici ölkələrdə (İngiltərə, İspaniya, Danimarka, Türkiyə, Almaniya və s.) qastrolda olub.

Səhər saatlarında vəziyyəti qəfildən pisləşən İlhamə Quliyeva tromboemboliyadan dünyasını dəyişir.

İlhamə Quliyeva Azərbaycanın musiqi tarixində təkrarolunmaz iz buraxıb. 1news.az oxucularına Primadonnanın ifasında ən yaxşı mahnılardan bəzilərini çatdırırıq.

S.Xankişiyeva