Xalq artisti Yuri Baliyev vəfat edib | 1news.az | Xəbərlər
Cəmiyyət

Xalq artisti Yuri Baliyev vəfat edib

17:36 - 27 / 03 / 2018
Xalq artisti Yuri Baliyev vəfat edib

Azərbaycan mədəniyyətinə ağır itki üz verib.

Teatr sənətinin tanınmış nümayəndəsi, istedadlı  teatr  və kino aktyoru, Respublikanın Xalq artisti, Prezident təqaüdçüsü Baliyev Yuri Nikolayeviç 2018-ci il mart ayının 27-də 69  yaşında uzun sürən ağır xəstəlikdən sonra vəfat edib.  

Yuri Baliyev 1949-cu il  iyul ayının 22-də Rusiyanın İzberq şəhərində anadan olmuşdur. O, 1975-ci ildə F.Volkov adına Yaroslavl Teatr Məktəbinin aktyorluq fakültəsini bitirib.

1975-ci ildən Azərbaycan Dövlət Rus Dram Teatrının aktyor truppasına qəbul edilən Yuri Baliyev ömrünün sonuna kimi taleyini bu sənət ocağı ilə bağlayıb. Tanınmış sənətçi doğma teatrın səhnəsində və kinoda yaddaqalan, maraqlı, rəngarəng obrazlar qalereyası yaratmışdır. Onun böyük ustalıqla ifa etdiyi Qraf Qloster (V.Şekspir “Kral Lir”), Roqojin (F.Dostoyevski “Əbləh”), Şamrayev, Smirnov (A.Çexov “Qağayı”, “Ayı”), Kapitan Bernardo (L.de Veqa “Nə yardan doyur, nə əldən qoyur”), Koşon (J.Anuy “Torağay”), Semyon (İ.Babel “Qürub”), Marko (A.Miller “Körpüdən mənzərə”), Bertye (F.Brukner “Napoleon 1”), Çingizxan (M.Şaxanov “Çingizxanın sirri”), İxtiyar (N.Xəzri “Burla Xatun”), Farisey (A.Volodin “İsanın anası”), Zabit, Həkim (Elçin “Cəhənnəm sakinləri”, “Teleskop”), Professor (N.Rəsulzadə “Nonsens”), Kazarin (M.Lermontov “Maskarad”), Qonaq (N.Gəncəvi “Yeddi gözəl”), Çuqunov, Lupaçov (A.Ostrovski “Qurdlar və quzular”, “Gözəl kişi”), Burqomistr (V.Korkiya, A.Lavrin “Kazanova: sevgi dərsləri”), Knyaz Didiani (Q.Səid “Əli və Nino”), Maks (V.Denisov “Sanset bulvarı”) və başqa obrazlar teatr tarixinin parlaq səhifələrini təşkil edir.

İstedadlı aktyor “Babək”, “Tehran-43”, “Ovsunçu”, “Hökmdarın taleyi”, “Nigarançılıq”, “Küçələrə su səpmişəm”, “Arxada qalmış gələcək”, “Aktrisa”, “Sübhün səfiri”, “Qanlı Yanvar”, “Qala” bədii filmlərində uğurla çəkilib. 

Milli teatr sənətinin inkişafında bütün qüvvəsini sərf edən istedadlı aktyorun xidmətləri həmişə yüksək qiymətləndirilib. O, 1991-ci ildə Azərbaycan Respublikasının Əməkdar artisti, 2000-ci ildə isə Xalq artisti fəxri adlarına layiq görülüb. 2006-cı ildən Prezident təqaüdçüsü idi. 

Unudulmaz sənətkar, gözəl insan Yuri Baliyevin əziz xatirəsi bütün  sənətsevərlərin  qəlbində  əbədi  yaşayacaq.

Allah rəhmət eləsin!

Mədəniyyət və Turizm Nazirliyi

Azərbaycan Teatr Xadimləri İttifaqı

Azərbaycan Dövlət Rus Dram Teatrı

Paylaş:
707

Son xəbərlər

Boris Consonun Türkiyə sevgisi - Ərdoğanla türkcə dialoqu - VİDEO01 / 07 / 2022, 18:00Dolların iyulun 4-nə olan rəsmi məzənnəsi açıqlanıb01 / 07 / 2022, 17:56Azərbaycanda meymunçiçəyinin diaqnostika və müalicəsi üzrə klinik protokol hazırlanıb01 / 07 / 2022, 17:29Azərbaycanın dağlıq və dağətəyi ərazilərində taxıl biçininə start verilib - FOTO01 / 07 / 2022, 17:21DSX Naxçıvanla Türkiyə arasında quru sərhədin bağlanmasına aydınlıq gətirib01 / 07 / 2022, 17:111 iyula olan vaksinasiya statistikası açıqlandı - FOTO01 / 07 / 2022, 16:56Qonşunun fədakarlığı nəticəsində ölümün cəngindən xilas oldu - VİDEO01 / 07 / 2022, 16:52Azərbaycanda aktiv koronavirus xəstəsinin sayı 200-ü keçdi - STATİSTİKA01 / 07 / 2022, 16:52Sahibə Qafarova İordaniya Haşimilər Krallığı Nümayəndələr Palatasının və Senatının spikerləri ilə görüşüb01 / 07 / 2022, 16:37Bakıda Xəzərlə bağlı beynəlxalq konfrans keçiriləcək01 / 07 / 2022, 16:09Cəlilabad Rayon İcra Hakimiyyəti sabiq başçıdan 3 milyon manat tələb edir01 / 07 / 2022, 15:59Şagird sayı 500-dək olan məktəblərə direktor seçimi üçün elektron sənəd qəbulu başa çatıb01 / 07 / 2022, 15:49İran-Azərbaycan sərhədi bağlanıb? - Səfirlikdən AÇIQLAMA01 / 07 / 2022, 15:41UNEC-də Məzun Günü keçirilib - FOTO01 / 07 / 2022, 15:40Murovdağ tunelinin tikinti layihəsinin görüntüsü paylaşılıb - VİDEO01 / 07 / 2022, 15:13Xaricdə təhsil alan daha 79 nəfərin diplomu tanınmayıb01 / 07 / 2022, 15:04Səfər Mehdiyev Qobustanda vətəndaşları qəbul edib01 / 07 / 2022, 15:02Kapital Bank-ın dəstəyi ilə ənənəvi “Yay Futbol Düşərgəsi” keçirilir - FOTO01 / 07 / 2022, 14:51Tibb müəssisələrində dövlət metroloji nəzarətinin aparılmasına başlanılıb01 / 07 / 2022, 14:39ABB İnnovasiya Mərkəzinin daha 10 startapı investorlara təqdim edildi01 / 07 / 2022, 14:32
Bütün xəbərlər

Next TV