“AzerGold” İqtisadiyyat Nazirliyi ilə birgə ağacəkmə aksiyası keçirib - FOTO
“AzerGold” Qapalı Səhmdar Cəmiyyəti (QSC) İqtisadiyyat Nazirliyinin Gəncə-Qazax regional bölməsi ilə birgə aprelin 27-də Daşkəsən rayonunun Çovdar kəndində ağacəkmə aksiyası və iməcilik keçirib.
Aksiya çərçivəsində Çovdar filiz emalı sahəsi ərazisində 300-dən çox ağac və kol əkilmiş, Çovdar filiz emalı sahəsinin girişindən Quşçu kəndinədək olan yol ətrafı ərazi tullantılardan təmizlənib.
İməcilik zamanı toplanan plastik tullantılar ümumi tullantı həcmindən ayrılaraq təkrar emala təhvil verilib. 100-dən çox insanın iştirak etdiyi tədbir bölgədə ekoloji tarazlığın qorunmasına töhfə vermək və əhalini bu işdə həmrəy olmağa çağırmaq məqsədilə keçirilib.
Qeyd edək ki, “AzerGold” QSC ildə 2 dəfə olmaqla mütəmadi yaşıllaşdırma aksiyaları təşkil edir. Ümumilikdə, Çovdar filiz emalı sahəsində baş tutan yaşıllaşdırma tədbirləri zamanı 15 hektara yaxın ərazidə 7 mindən çox ağac və kol əkilib.
Reklam hüququnda
