DTX və Dövlət Gömrük Komitəsi birgə əməliyyat keçirib
Dövlət Təhlükəsizliyi Xidməti və Dövlət Gömrük Komitəsi birgə əməliyyat keçirib.
1news.az-ın DTX-nin saytına istinadən verdiyi xəbərə görə, həyata keçirilmiş birgə əməliyyat tədbirləri nəticəsində Azərbaycan-Gürcüstan sərhədindən gömrük nəzarətindən gizli qaçaqmalçılıq yolu ilə Azərbaycana keçirilən, qanunsuz və saxta spirtli içki istehsalı üçün nəzərdə tutulan təxminən 500000 ədəd saxta aksiz markası aşkarlanaraq götürülüb.
Araşdırmalar zamanı saxta aksiz markalarını sifariş verib gizli surətdə çatdırılmasını təşkil edən, ölkədə saxta aksiz markalarının qanunsuz dövriyyəsi ilə məşğul olan Azərbaycan vətəndaşları Mehdiyev İntiqam Hüseyn oğlu və Nəcəfov Ruslan Həmzə oğlu müəyyən edilərək cinayət məsuliyyətinə cəlb ediliblər.
Başlanılmış cinayət işi üzrə araşdırmalar davam edir.
1news.az
