Qəbələ və Nardaran sakinlərindən silah götürülüb

Qəbələ rayonu və Nardaran qəsəbəsi sakinlərindən silah götürülüb.

1news.az-ın Daxili İşlər Nazirliyinin mətbuat xidmətinə istinadən verdiyi xəbərə görə, Qəbələ Rayon Polis Şöbəsi əməkdaşları tərəfindən Bum qəsəbə sakini Nadir Zeynalovdan müvafiq sənədləri olmayan “ТОЗ-16” markalı ov tüfəngi müsadirə olunub.

Aparılmış profilaktiki tədbirlər nəticəsində Sabunçu rayonunun Nardaran qəsəbəsində yaşayan Elçin Cəbrayılov müvafiq sənədləri olmayan nömrəsi silinmiş “İJ-54” markalı ov tüfəngini 42-ci Polis Bölməsinə təhvil verib.

1news.az