Şakiranın İstanbul konsertindəki tələbləri: buzlu badam, ağ rəngli mebel...

Məşhur dünya ulduzu Şakira iyul ayında İstanbulda konsert verəcək.

1news.az-ın türk mətbuatına istinadla verdiyi xəbərə görə, Şakira səhnəarxası üçün istədiyi yemək və içki siyahısını göndərib.

İki oğlu ilə İstanbula hazırlaşan müğənni təzə meyvə, şokolad, Antep fıstığı, buzlu badam, gümüş çəngəl-bıçaq dəsti tələb edib.

Şakira övladları üçün çiyələk, portağal və dəniz duzu aromatlı şokolad istəyib.

Qazlı və adi sudan başqa yaşıl tərəvəz suyu, hind qozu suyu da tələb edilənlər arasındadır. Bundan başqa Şakira tələb edib ki, istifadə edəcəyi bütün mebel və dəsmallar ağ rəngdə olsun.

Qeyd edək ki, Şakira 11 iyulda İstanbulda olacaq.

S.Xankişiyeva