Toyota 14 yaşlı Aydanı Yaponiyaya dəvət edir – FOTO
Xəyallarınızın avtomobili dünyanı yaxşılığa doğru necə dəyişə bilər?
Hər il minlərlə uşaq Toyota-nın təşəbbüsü ilə keçirilən dünyanın ən böyük bədii müsabiqələrindən birində iştirak etməklə, dünya ilə öz xəyallarını bölüşürlər.
Bu il xəyalını bölüşən və müsabiqədə qalib gələn azərbaycanlı qız – Aydan Eynullayeva oldu. Onun “Dünyanın gözəlliyi” adlı heyranedici əsəri bu il Ümumdünya Müsabiqə mükafatının 650 000-dən artıq işin içindən seçdiyi laureatlardan biri oldu.
14 yaşlı Aydan və onun valideyninə hədiyyə qismində avqust ayında Yaponiyaya səyahət üçün sertifikat təqdim olunub. Müsabiqənin yekun mərhələsi – mükafatlandırma mərasimi Tokioda baş tutacaq.
Bu il müsabiqə Toyota Caucasus (Toyota-nın Qafqazda rəsmi nümayəndəsi) rəhbərliyi ilə Toyota Bakı Mərkəzi tərəfindən təşkil olunub. Yaponiyaya 9 iş (hər yaş kateqoriyası üzrə 3 iş) seçilib göndərilib.
Peşəkarlardan ibarət münsiflər heyətinin qərarı ilə Azərbaycandan üç yaş kateqoriyası üzrə doqquz qalib müəyyən olunub. Milli seçimlərin qalibləri hədiyyə və sertifikatlarla təltif olunub.
7 yaşa qədər kateqoriya:
- Aqil Əmirov (6 yaş)
- Rza Quliyev (7 yaş)
- Fəxri Məhərrəmli (7 yaş)
8-11 yaş kateqoriyası:
- Sura Dadaşzadə (10 yaş)
- Əlimərdan Əmirov (8 yaş)
- Əkrəm Quliyev (8 yaş)
8-11 yaş kateqoriyası:
- Əbdülrəhim Bağırov (12 yaş)
- Altay Adıgözəlov (13 yaş)
- Aydan Eynullayeva (14 yaş)
Dünya üzrə ən yaxşı 30 əsər seçilib. Bu əsərlərin müəllifləri və onların valideynləri səslərin sayına görə seçiləcək ən yaxşı işlərin mükafatlandırma mərasimində iştirak etmək üçün Yaponiyaya dəvət edilib.
Toyota onlayn səs vermək imkanı verən xüsusi veb-səhifə hazırlanıb – https://www.toyota-dreamcarart.com/vote/. Bu veb-səhifə hər kəsə bəyəndiyi əsərə səs vermək imkanı yaradacaq. Sizləri də sayta baş çəkib səs verməyinizi dəvət edirik. Səsvermə iyulun 1-dən etibarən başlayacaq.
Toyota Dream Car Art müsabiqəsi hər il keçirilir. Belə ki, bu müsabiqədə 15 yaşına çatmamış hər bir uşaq iştirak edə bilər. Əvvəlcə müsabiqə yerli dilerlər tərəfindən ölkə səviyyəsində, daha sonra isə ümumdünya müsabiqə keçirilir. Dilerlər müsabiqə barədə məlumat verir, ən yaxşı 9 əsəri seçir (üç yaş kateqoriyası üzrə) və onları qlobal müsabiqədə iştirak etməsi üçün Yaponiyaya göndərir. Azərbaycan bu müsabiqədə 2014-cü ildən iştirak edir.
Toyota bu müsabiqə ilə uşaqların xəyallarını yerinə yetirməyə davam edəcək. Gənc istedadlar bu gözəl fürsətdən istifadə edərək özlərini ifadə etmək və avtomobil ilə unikal baxışlarını dünya ilə bölüşmək üçün qarşıdakı müsabiqələrdə iştirak edəcəklər.
Daha ətraflı məlumat və müsabiqənin əsas tələbləri barədə buradan tanış ola bilərsiniz: https://www.toyota-dreamcarart.com/about/
Reklam hüququnda
