Elmar Məmmədyarov: Xəzər dənizi bizi birləşdirməlidir, məhdudlaşdırmamalıdır
Bir neçə ildir ki, həyata keçirilmiş böyük işlər Xəzər dənizinin hüquqi statusu haqqında Konvensiya layihəsini razılaşdırmağa imkan verən nəticəyə gətirib.
1news.az xəbər verir ki, bunu Azərbaycanın xarici işlər naziri Elmar Məmmədyarov RİA-Novosti-yə müsahibəsində deyib.
Onun sözlərnə görə, bu, Qazaxıstanda keçiriləcək Xəzəryanı dövlət başçılarının 5-ci zirvə toplantısında imzalanması üçün bütün lazımi şərtləri yaradıb:
"Bütün ölkələrin Konvensiyanın mətni ilə bağlı irdları oldu. Bu, belə hüquqi sənədlərin işlənməsi üçün çox sadə beynəlxalq təcrübədir. Məlum olduğu kimi, 1996-cı ildə Xəzər dənizinin hüquqi statusu haqqında Konvensiyanın hazırlanmasına dair Xəzəryanı dövlətlərin xarici işlər nazirlərinin müavinləri səviyyəsində xüsusi işçi qrupu yaradıldı, bu format çərçivəsində 51 görüş keçirilib. Təbii ki, tərəflərin mövqelərinin razılaşdırıldığı bir vaxtda, iştirakçılar arasında Xəzər məsələləri üzrə ənənəvi Azərbaycan-Rusiya məsləhətləşmələri də daxil olmaqla, əlaqələr qurulmuşdur".
Konvensiya layihəsində üç ölkənin Xəzər dənizində hərbi mövcudluğu barədə razılığa gəlmələri məsələsinə toxunan XİN rəhbəri deyib ki, belə bir sənədi imzalayan tərəflər ondan irəli gələn hüquq və öhdəliklərini yerinə yetirirlər:
"Pacta sunt universal prinsipindən irəli gələrək, biz Konvensiyada təsbit olunmuş müddəalara sadiq olmalıyıq.
Xəzərdə qeyri-sahilyanı ölkələrin silahlı qüvvələrinin olmaması belə razılaşdırılmış müddəlardan biridir. Ümumiyyətlə, sənəddə bildirilir ki, Xəzər sülh, mehriban qonşuluq, dostluq və əməkdaşlıq zonasıdır. O, ölkələrimizi birləşdirən, məhdudlaşdırmayan, əksinə onların imkanlarını genişləndirən, milli iqtisadiyyatın inkişafı üçün optimal şərtlərlə təmin edən körpü olaraq qalır və qalmalıdır.
Xəzəryanı ölkələr uzun müddətdir ki, öz hüquqlarından istifadə edir və beynəlxalq əməkdaşlıq çərçivəsində resurslarının istifadəsi üçün səmərəli infrastruktur yaradıblar. Müvafiq investisiya mühiti var idi. Ölkələrimizin uğurları Xəzərdə gələcək əməkdaşlığın inkişafına, etimad tədbirlərinin mövcud mexanizmlərinə və hər kəsin faydasına xidmət edir".
P.Sultanova
