Azərbaycanda törədilən yanğınlara görə 15 nəfər həbs edilib
Biçilmiş əkin sahələrində, meşələrdə və yüksək gərginlikli elektrik xətlərinin keçdiyi ərazilərdə yanğın törətdiklərinə görə 15 nəfər inzibati qaydada həbs edilib, 17 nəfər barəsində isə inzibati xəta haqqında protokol tərtib olunub.
1news.az-ın verdiyi xəbərə görə, bununla bağlı Daxili İşlər Nazirliyinin mətbuat xidməti məlumat yayıb.
Məlumatda bildirilib ki, bu istiqamətdə qabaqlayıcı profilakitiki tədbirlər davam etdirilir.
Kənd təsərrüfatı sahələrində, meşələrdə törədilən yanğın faktları ilə əlaqədar olaraq, 7 cinayət işi açılıb. Bunlardan 5-i elektrik xətlərinə yaxın sahələrdə törədilən yanğınla bağlıdır.
Respublika ərazisindəki biçilmiş əkin sahələrində, meşələrdə və yüksək gərginlikli elektrik xətlərinin keçdiyi ərazilərdə yanğın təhlükəsinin qarşısının alınması məqsədilə aidiyyəti təşkilatlarla birgə bir sıra zəruri qabaqlayıcı tədbirlər həyata keçirilib, əhali arasında, fermer və digər torpaq mülkiyətçiləri ilə mütəmadi olaraq izahat işləri aparılıb.
Xüsusən taxıl biçimindən sonra kövşənlərin yandırılmasının yolverilməzliyi barədə onlar xəbərdar ediliblər.
S.Xankişiyeva
