“Uşaq Avroviziyası 2018”də Azərbaycanı təmsil edən Fidan Hüseynovaya səs verək – FOTO – VİDEO
![“Uşaq Avroviziyası 2018”də Azərbaycanı təmsil edən Fidan Hüseynovaya səs verək – FOTO – VİDEO](/images/2018/11/23/20181123123740367/b.jpg?2021-02-17+09%3A23%3A32)
“Uşaq Avroviziyası 2018” mahnı müsabiqəsinin finalına iki gün qalıb.
Müsabiqənin rəsmi saytında səsvermə bu gün, noyabrın 23-də saat 19:00-da başlayacaq və noyabrın 25-i 18:00-a qədər davam edəcək. Müsabiqədə çıxış edən hər bir iştirakçıdan sonra təşkilatçılar səsvermə üçün 15 dəqiqə vaxt verəcək. Bundan sonra tamaşaçıların və finalçıların bütün səsləri toplanacaq.
Saytda səsvermə üçün üçdən-beşə qədər iştirakçı seçilməlidir. Böyüklər üçün olan “Avroviziya”dan fərqli olaraq, “Uşaq Avroviziyası”nda öz ölkəndən olan iştirakçıya da səs vermək mümkündür. Hər birimiz Azərbaycanı bu müsabiqədə təmsil edən Fidan Hüseynovaya səs verə bilər.
Fidana səs vermək üçün bu linkə keçid etmək olar. Qeyd edək ki, səsvermə hələ ki, aktiv deyil.
Fidan Hüseynova “I Wanna Be Like You” mahnısı ilə yarışmada çıxış edəcək. Müsabiqənin finalını noyabrın 25-də saat 19:00-da İTV-nin efiri vasitəsilə izləyə bilərsiniz.
Tərcümə: S.Xankişiyeva