Azərbaycanın 5 rayonunun meşələrində kameralar quraşdırılıb

Artıq Azərbaycanın 5 rayonunda yerləşən meşələrdə kameralar quraşdırılıb.

1news.az-ın verdiyi xəbərə görə, bunu Ekologiya və Təbii Sərvətlər Nazirliyində keçirilən “Ekoloji gündəm medianın və ictimaiyyətin baxış prizmasında: ətraf mühit sahəsində görüləcək işlər və təhlillər" mövzusunda QHT və media nümayəndələri ilə dialoq zamanı nazir müavini Firdovsi Əliyev deyib.

O bildirib ki, kameralar daha çox kənar müdaxilə olan yerlərdə quraşdırılıb: "Bu il Zaqatala, Oğuz, Şəki, Qəbələ və Qax rayonlarında yerləşən meşələrdə kameralar quraşdırılıb. Bu iş gələn il davam etdiriləcək".

Nazir müavini qeyd edib ki, növbəti ildə kameraların sayı artdıqca operator mərkəzinin yaradılması nəzərdə tutulub: "Kameralar 24 saat işləyir və günəş batareyarı ilə təmin edilib".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

S.Xankişiyeva