Azərbaycanda təhsil alan əcnəbi tələbələrin sayı açıqlanıb

Keçən il ali təhsil müəssisələrinə qəbul imtahanlarında indiyədək ən yüksək sayda - 41 minə yaxın abituriyent tələbə adını qazanıb.

1news.az xəbər verir ki, bu barədə Təhsil Nazirliyinin “2018-ci ilin təhsil nailiyyətləri” adlı hesabatında qeyd olunub.

Məlumata görə, universitetlərə qəbul olunan 29 tələbə 700 bal toplayıb, 3127 nəfər abituriyent isə 600 baldan yuxarı nəticə göstərib.

Hazırda ümumilikdə 535 nəfər azərbaycanlı tələbə ayrı-ayrı ölkələrlə imzalanmış hökumətlərarası sazişlərə əsasən təhsil alır.

Ölkəmizdə təhsil alan əcnəbi tələbələrin sayına gəlincə, Azərbaycanda ali təhsilin bütün səviyyələri üzrə 86 ölkədən 6000 nəfərdən çox əcnəbi tələbə təhsil alır.

1news.az