Müəllim və valideynlərin səyyar qəbulu keçiriləcək | 1news.az | Xəbərlər
Cəmiyyət

Müəllim və valideynlərin səyyar qəbulu keçiriləcək

16:29 - 05 / 02 / 2019
Müəllim və valideynlərin səyyar qəbulu keçiriləcək

Fevralın 8-də paytaxtın Səbail, Yasamal və Qaradağ rayonları üzrə müəllim və valideynlərin səyyar qəbulu keçiriləcək.

Bakı Şəhəri üzrə Təhsil İdarəsinin mətbuat xidmətindən 1news.az-a verilən məlumata görə, səyyar qəbul vəzifə funksiyalarının tələb olunan səviyyədə yerinə yetirilməsi istiqamətində müəssisə rəhbərlərinin məsuliyyətinin artırılması, təhsilin keyfiyyətinin yüksəldilməsi, məktəblərdə sağlam və yaradıcı mühitin təmin olunması üçün sistemli iş aparmaq məqsədlərinə xidmət edir.

Bakıdakı 163 nömrəli tam orta məktəbdə (Ünvan: Səbail rayonu, A.Məmmədov küçəsi 86) təşkil olunacaq səyyar qəbul saat 10:00-da başlayacaq.

Səyyar qəbulda müəllim və valideynlərin müraciətləri Bakı Şəhəri üzrə Təhsil İdarəsinin rəhbərliyi və struktur bölmə əməkdaşları tərəfindən dinləniləcək, müvafiq təşkilati və maarifləndirmə tədbirləri görüləcək.

1news.az

Paylaş:
291

Son xəbərlər

Bütün xəbərlər