İstanbul-Mexiko-Kankun-İstanbul marşrutu üzrə uçşlara başlanılıb

Avqustun 21-də Türk Hava Yolları şirkəti İstanbul-Mexiko-Kankun-İstanbul marşrutu üzrə Meksikaya ilk uçuşunu həyata keçirib.

1news.az-a Melsikanın Bakıdakı səfirliyindən verilən məlumata görə, uçuşlar həftədə üç dəfə həyata keçiriləcək.

Marşrutun üçbucaqlı olması Mexiko şəhərinin hündürlükdə yerləşməsi ilə əlaqəlidir. Kankunda ediləcək dayanacaq, eyni zamanda, əlavə yanacaq təchizi üçün xidmət edəcək.

“Deyirlər ki, Meksikanı yaxından tanımaq üçün Mexiko şəhərini ziyarət etmək lazımdır. Bu ifadədə şübhəsiz ki, həqiqət var. Belə ki, Mexiko ölkənin əsas mədəniyyət, əlaqə, iqtisadiyyat və maliyyə mərkəzidir. Tarixi-antropolojı nöqteyi nəzərdən isə Mexiko şəhərinin əhəmiyyəti nəhəngdir, belə ki, o, Astek mədəniyyətinin mərkəzi olub. Burada meksikalılara qürür verən vacib arxeolojı dağıntılar və qədim abidələr hələ də qorunub-saxlanılır”, səfirliyin məlumatında deyilir.

Vurğulanıb ki, Kitana Roo ştatında yerləşən və Karib dənizi sularının əhatəsində olan Kankun dünya səviyyəsində ən çox tanınan Meksika turistik qütbünə çevrilib. Şəhərin inkişafı səyahət etmək üçün geniş imkanlar təklif edir: uzunluğu 23 km olan sahilboyu zolaqda otellər, ticarət obyektləri və yaşayış binaları yerləşir. Yüksək keyfiyyət standartlarına cavab verən infrastruktur və xidmətləri olan çimərliklərdə su idman növləri, təkrarsız sualtı gəzinti, açıq dənizdə balıqçılıq və ekstrim idman növləri kimi fəaliyyət növlərinə yer ayrılır. Bundan əlavə, Kankun dünyanın ikinci ən böyük mərcan qayasına malikdir.

P.Sultanova