Azər Türk Bankın məlumat mərkəzi fasiləsiz iş rejiminə keçdi
Hər zaman müştərilərinin rahatlığını düşünən dövlət bankı Azər Türk Bank xidmət işinin keyfiyyətinin daha da artırılması istiqamətində növbəti yeniliyin tətbiqinə qərar vermişdir.
Belə ki, Bankın müştəri əlaqələrinin idarə edilməsi mərkəzi, şənbə və bazar da daxil olmaqla, həftənin bütün günləri və sutkanın 24 saatı ərzində canlı iş rejimində xidmət göstərəcəkdir. Bankın sosial şəbəkələrdəki rəsmi korporativ səhifələri, WhatsApp (055) 7770 945, yaxud (012) 945 nömrəli əlaqə xətti vasitəsilə daxil olan sorğular əməkdaşlar tərəfindən canlı şəkildə cavablandırılacaqdır.
Qeyd edək ki, Azər Türk Bankda müasir standartlara uyğun məlumat mərkəzi 2017-ci ilin yanvar ayında qurulmuşdur.
Son üç ildə Mərkəzə təkcə telefon rabitəsi vasitəsilə 150 mindən çox sorğu, onlayn sifarişlər, müxtəlif müştəri müraciətləri daxil olmuşdur. Statistikaya nəzər yetirsək, bu xətt üzrə müraciətlərin ildən ilə intensivləşdiyinin şahidi olarıq. Belə ki, əgər 2017-ci il ərzində Bank əməkdaşları tərəfindən 33 287 çağrıya cavab verilmişdisə, 2018-ci ildə bu rəqəm 62 149 səviyyəsində olmuşdur. Cari ilin sonuna bu göstəricinin daha artıq olacağı gözlənilir.
Bundan əlavə, Bankın toplam 163 min izləyicə malik Facebook və Instagram səhifələrində mütəmadi olaraq müştərilərlə ünsiyyət saxlanılır. Həmçinin WhatsApp vasitəsilə son bir il ərzində 16 minə yaxın şəxs bankla rahat əlaqə qurmaq imkanı əldə etmişdir.
Reklam hüququnda
