NEXT TV-nin təqdimatında 102 yaşlı Azərbaycan Ordusu – VİDEO
26 İyun – Azərbaycan Respublikasının Silahlı Qüvvələr Günüdür.
1news.az-ın verdiyi xəbərə görə, Silahlı Qüvvələrin yaranmasından 102 il ötür.
AXC hökumətinin 1918-ci il 26 iyun tarixli qərarı ilə yaradılan “Əlahiddə Azərbaycan Korpusu” bolşevik-daşnak hərbi birləşmələrinin darmadağın edilməsində, Bakının azad edilməsində və erməni quldur dəstələrinə qarşı döyüşlərdə böyük şücaətlər göstərib.
O dövrdə təşkil olunan Hərbi Nazirlik və onun rəhbər heyətində təmsil olunan Səməd bəy Mehmandarov, Əliağa Şıxlinski və başqa ordu biliciləri Azərbaycanda ordu quruculuğunda mühüm islahatlar həyata keçiriblər.
AXC-nin süqutundan sonra Azərbaycan ordusunun 21 generalından 15-i bolşeviklər tərəfindən güllələndi. 1991-ci ildə Azərbaycan ikinci dəfə müstəqilliyini elan etdikdən sonra Azərbaycan Silahlı Qüvvələrinin yaradılması barədə qərar qəbul edildi.
NEXT TV-nin hazırladığı videoda Qafqazda ən müasir və ən güclü ordu hesab olunan Azərbaycan Silahlı Qüvvələrinin yaranma tarixindən, arsenalında olan silahlar və digər maraqlı faktlardan bəhs olunur.
S.Xankişiyeva
