“Türkiyə ictimaiyyəti tərəfindən maddi və mənəvi dəstək layihələri” - “Çıxışa doğru”da MÜZAKİRƏ
Azərbaycan ilə Türkiyə arasında əlaqələrin böyük tarixi var. Ortaq kök, dil, din birliyi, oxşar mədəniyyət, adət və ənənələr bu əlaqələri şərtləndirən amillər sırasında yer alır.
Türkiyə və Azərbaycan öz tarixlərinin ən mürəkkəb dövrlərində bir-birinə dəstək olduqlarını nümayiş etdirmişlər. Bu dəstək hər iki ölkənin bir-birinə daha da yaxınlaşmasından, dostluq əlaqələrinin daha da möhkəmlənməsindən, genişmiqyaslı layihələrin həyata keçirilməsindən xəbər verir.
44 günlük Vətən Müharibəsində Türkiyə ictimaiyyətinin ölkəmizə dəstəyi buna əyani sübutdur...
1News-un məlumatına görə, AzTV-nin “Çıxışa doğru” verilişində “Türkiyə ictimaiyyəti tərəfindən maddi və mənəvi dəstək layihələri” mövzusunda aparılan müzakirələr zamanı bu barədə ətraflı danışılıb. Verilişin qonaqları – Türkiyə-Azərbaycan İşadamları və Sənayeçilər Birliyinin sədri Hüseyin Böyükfirat, Milli Məclisin deputatları Ramil Həsən, Jalə Əliyeva və Teleradio Akademiyasının ictimaiyyətlə əlaqələr şöbəsinin müdiri Namiq Həsənov mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz: