“Fransa muzeyində kəllə sümüklərinin nümayişi humanizmdirmi?”

Bakıda Hərbi Qənimətlər Parkının açılışı xaricdə birmənalı qarşılanmadı. Hətta Avropa Parlamenti muzeyin bağlanması tələbi ilə çıxış etdi. Bu da dünya azərbaycanlıların hiddətinə səbəb oldu.

1news.az xəbər verir ki, bunu "Azərbaycan -Ukrayna" Beynəlxalq Alyansının sədri Elmar Məmmədov bildirib:

"Hərbi Qənimətlər Parkı Azərbaycanın nə qədər güclü və düşmənə çox qısa bir müddətdə qalib gələn ölkə olduğunun sübutudur. Bu zəfəri ilə ölkəmiz bütün dünya ictimaiyyətini şoka saldı. Bəli, Cənubi Qafqazda Azərbaycan güclü bir ölkə olduğunu təsdiqlədi və dünya siyasət arenasında da layiqli yerini möhkəmləndirdi. Əgər belə əsassız mülahizələr Avropa ölkələrinin rəsmi fikri deyilsə, bu, heç kimi maraqlandırmır. Onlar bu muzeyi qəddarlıq simvolu adlandırırlar. O zaman belə bir sual yaranır: Daxauda həqiqi insan sümüyü eksponatlarının toplandığı məhkumlar muzeyi qəddarlıq simvolu deyilmi? Təbii ki, o vaxt alman faşistlərin günahsız insanlara qarşı törətdikləri vəhşiliklərin sübutudur.

Keçən il əlcəzairli tarixçi avropa muzeylərinin ekspozisiyalarını araşdıranda "Homme on Place du Trocader" muzeyində 60 nəfər əsgərin kəllə sümüyünün eksponat kimi təqdim olduğunu aşkar etmişdir. Onlar kolonializm əleyhinə mübarizə aparanlar idi. Hələ bundan sonra Fransa Azərbaycanı qəddarlıqda günahlandırır. Yenidən sual yaranır: Əgər sizin muzeylərinizdə bu cür eksponatlar təqdim olunursa, sizin tolerantlığınız haradadır?"

1news.az