"Yaponiya-Azərbaycan Dostluq ili"nə həsr olunmuş tədbir təşkil edilib | 1news.az | Xəbərlər
Cəmiyyət

"Yaponiya-Azərbaycan Dostluq ili"nə həsr olunmuş tədbir təşkil edilib

21:08 - 25 / 11 / 2022
"Yaponiya-Azərbaycan Dostluq ili"nə həsr olunmuş tədbir təşkil edilib

"Yaponiya-Azərbaycan Dostluq ili" çərçivəsində ölkəmizdə səfərdə olan Yaponiyanın Şika şəhərinin meri Masaru Koizumi, Şika şəhər Parlamentinin spikeri Masanori Minami və yapon musiqiçilərinin də daxil olduğu nümayəndə heyəti DOST İnklüziv İnkişaf və Yaradıcılıq Mərkəzində olub.

Qonaqlar Mərkəzin foyesində benefisiarların əl işlərindən ibarət sərgiyə baxıblar. Sərgidə Yaponiya və Azərbaycan incəsənətini, milli mənəvi dəyərlərini əks etdirən bədii sənətkarlıq nümunələri yer alır. Mərkəzlə tanışlıq zamanı Yaponiya nümayəndə heyətinə həssas qrupdan olan şəxslərlə aparılan kompleks iş sahəsində göstərilən xidmət növləri haqqında məlumat verilib. Qonaqlar Birinci vitse-prezident Mehriban Əliyevanın təşəbbüsü ilə yaradılan Mərkəzdə aktiv 14 fəaliyyət istiqaməti üzrə təlim prosesini izləyiblər. Tədbirdə Şika şəhərinin meri Masaru Koizumi, Yaponiyanın Azərbaycandakı səfirliyinin müşaviri Takeya Yukihiro, DOST İnklüziv İnkişaf və Yaradıcılq Mərkəzinin direktoru Pərvin İsmayılova çıxış edərək, uğurlu müştərək əməkdaşlıq layihələrindən söhbət açıblar. Azərbaycan-Yaponiya diplomatik əlaqələrinin 30 illiyi ilə bağlı ölkəmizə gəldiyini deyən Şika şəhərinin meri cəmiyyətdə sosial bərabərsizliyin azaldılması istiqamətində Mərkəzin unikal layihə olduğunu bildirib. Burada həssas əhali qrupuna aid şəxslərin sosiallaşması, cəmiyyətə adaptasiyası məqsədilə görülən işləri yüksək qiymətləndirib. Qonaq qeyd edib ki, hər iki ölkənin musiqiçilərinin öz milli zərb alətlərində eyni kompozisiyanı ifa etməsi xalqlarımız arasındakı yaxınlığın, dostluğun ifadəsidir. DOST İnklüziv İnkişaf və Yaradıcılıq Mərkəzinin direktoru Pərvinə İsmayılova bildirib ki, bu tədbir "Yaponiya-Azərbaycan Dostluq İli"ndə Yaponiyanın Azərbaycandakı səfirliyi ilə birgə reallaşdırılan üçüncü layihədir və əməkdaşlığın davam etdirilməsi nəzərdə tutulur. Mərkəzin rəhbəri layihənin məqsədinin sosial inklüzivliyin təmini, həssas qrupdan olan şəxslərin cəmiyyətdə özlərini tapması prosesinə dəstək olduğunu vurğulayıb.

Sonra Şika şəhərindən Tenyu Şika qrupunun üzvləri-vadaiko (ənənəvi yapon zərb alətləri) ifaçıları Mərkəzin benefisiarları ilə birgə konsert proqramı ilə çıxış ediblər. Proqramda Azərbaycan və Yaponiya musiqi mədəniyyətinə xas nümunələr səsləndirilib. Konsert hər iki ölkənin musiqiçilərinin ifasında milli zərb alətlərində “Yallı” kompozisiyası ilə yekunlaşıb.

Qeyd edək ki, bu tədbir DOST İnklüziv İnkişaf və Yaradıcılıq Mərkəzinin Yaponiyanın Azərbaycandakı səfirliyi ilə əməkdaşlığı çərçivəsində həyata keçirilən üçüncü layihədir. Azərbaycan dostluq münasibətlərinin 30 illiyinə həsr edilən Yaponiya Mədəniyyət Festivalında Mərkəz benefisiarların əl işlərindən ibarət "Ruandzi" adlı stendlə təmsil olunub. Əməkdaşlığın davamı olaraq, 24-25 iyun tarixində DOST İnklüziv İnkişaf və Yaradıcılıq Mərkəzinin təşkilatçılığı, Yaponiyanın Azərbaycandakı səfirliyinin və Yaponiyanın aparıcı xeyriyyə təşkilatı “The Nippon Foundation”in dəstəyi ilə Bakıda Dənizkənarı Milli Parkda iki gün müddətində “True Colors Festival” təşkil edilib.

Paylaş:
257

Son xəbərlər

Azərbaycan Kinematoqrafiyası - “Çıxışa doğru”da MÜZAKİRƏBu gün, 00:07Şəmkirdə 4 nəfər dəm qazından zəhərləndi, üçü azyaşlıdır26 / 01 / 2023, 18:05“Kurtlar Vadisi”nin daha bir aktyoru vəfat etdi - FOTO26 / 01 / 2023, 17:46Rusiya XİN: Aİ-nin Ermənistandakı müşahidəçiləri regiona geosiyasi qarşıdurma gətirə bilər26 / 01 / 2023, 17:27“Qərbi azərbaycanlılar erməni xalqı ilə barışığa hazırdır”26 / 01 / 2023, 17:08Peyvənd olunanların sayı açıqlanıb26 / 01 / 2023, 16:42Son sutkada 43 yeni yoluxma faktı qeydə alınıb26 / 01 / 2023, 16:40Azərbaycan Respublikası Kinematoqrafçılar İttifaqından istefalarla bağlı AÇIQLAMA26 / 01 / 2023, 16:39TƏBİB-in rəhbər işçiləri və əməkdaşları qripə qarşı peyvənd olunublar26 / 01 / 2023, 16:23İrandan idxal olunan 71 tondan çox kartof məhv edilib26 / 01 / 2023, 16:05İlham Əliyev bu Qanunu təsdiqlədi26 / 01 / 2023, 15:45Goranboyda kişi qadını qətlə yetirdi26 / 01 / 2023, 15:35Ova cəhd edən Balakən sakinləri cəzalandırılıb26 / 01 / 2023, 15:16Azərbaycan-Çexiya diplomatik münasibətlərinin ildönümü münasibətilə tədbir keçirilib26 / 01 / 2023, 14:57Milli Aviasiya Akademiyasının bir qrup əməkdaşı təltif edilib - SİYAHI26 / 01 / 2023, 14:42Azərbaycanın baş nazirinin müavini Türkiyədə səfərdədir - FOTO26 / 01 / 2023, 14:14Prezident Əli Əhmədovu “Şərəf” ordeni ilə təltif edib26 / 01 / 2023, 14:09Azad edilmiş ərazilər üzrə idxalı gömrük rüsumlarından azad edilən iqtisadi fəaliyyət sahələrinin siyahısı hazırlanacaq26 / 01 / 2023, 14:06“Cinsi tərbiyə təkcə uşaqlara necə yarandıqlarını başa salmaq deyil...” - Psixoloq və Sosioloqdan ŞƏRH26 / 01 / 2023, 14:00Əmanət faizlərinin vergidən azad olunması ilə bağlı güzəştin müddəti artırıla bilər? – AÇIQLAMA26 / 01 / 2023, 13:40
Bütün xəbərlər

Next TV