Qarabağda çalışanlara birdəfəlik ödəmələrin verilməsinə başlanılıb

İşğaldan azad olunmuş ərazilərdə çalışan mütəxəssislərə birdəfəlik ödəmələrin verilməsinə başlanılıb.

1news.az Qafqazinfo-ya istinadla xəbər verir ki, bunu əmək və əhalinin sosial müdafiəsi nazirinin müavini Anar Kərimov mətbuat konfransında deyib.

A.Kərimov qeyd edib ki, bu ayın sonunda statistik məlumatlar açıqlanacaq.

Qeyd edək ki, həmin şəxslərə ödənilən birdəfəlik ödənişin məbləği 600 manatdır.

İşğaldan azad edilmiş ərazilərimizdə məskunlaşaraq işləyən mütəxəssislər, həmçinin aylıq vəzifə maaşına əlavə, hər il 5 gün əlavə məzuniyyət əldə edəcəklər.