Türkiyənin xarici işlər naziri Azərbaycanda səfərdədir - FOTO

Türkiyənin xarici işlər naziri Hakan Fidan Azərbaycana səfərə gəlib.

1news.az-ın “Report”a istinadən xəbərinə görə, o, Qoşulmama Hərəkatının Koordinasiya Şurasının Nazirlər toplantısında iştirak edəcək.

H.Fidan həmçinin toplantı çərçivəsində keçiriləcək Qoşulmama Hərəkatının Fələstin Nazirlər Komitəsinin iclasına və Ümummilli Lider Heydər Əliyevin anadan olmasının 100 illiyi münasibətilə keçiriləcək tədbirə qatılacaq.

Qeyd edək ki, H.Fidan bu il iyunun 5-də Türkiyənin xarici işlər naziri təyin olunub.