Alparslan Bayraktar: “Türkiyə, külək və günəş enerjisində quraşdırılmış gücünü 4 dəfə artırmağı hədəfləyir”
“Türkiyə, külək və günəş enerjisində quraşdırılmış gücünü 4 dəfə artırmağı və bu sahəyə 80 milyard ABŞ dollar investisiya cəlb etməyi hədəfləyir”.
1news.az xəbər verir ki, bunu Türkiyənin enerji və təbii sərvətlər naziri Alparslan Bayraktar BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası çərçivəsində keçirilən "Nazirlər səviyyəsində dialoq: Bərpa olunan enerjidən istifadənin üç dəfə və enerji səmərəliliyinin iki dəfə artırılması üçün investisiyaların genişləndirilməsi" adlı tədbirdə deyib.
O, bildirib ki, 2035-ci il üçün Türkiyənin bərpa olunan enerji hədəfləri var və bu məqsədlə 30 milyard dollar əlavə investisiya tələb olunur.
“Biz enerji təhlükəsizliyini təmin etmək və karbon neytrallığına çatmaq üçün uzunmüddətli strategiyada bərpa olunan enerji, enerji səmərəliliyi, nüvə enerjisi, hidrogen istehsalı və alternativ mineralların istehsalına diqqət yetirəcəyik” – deyə, A.Bayraktar əlavə edib.
