1news.az

Bakıdan ermənilərə dəstək fonduna 50 min dollar köçürən iş qadını kimdir?

21 Oktyabr saat 16:20 ~ 1 dəqiqəlik oxu 2340
Bakıdan ermənilərə dəstək fonduna 50 min dollar köçürən iş qadını kimdir?

Paytaxtda fəaliyyət göstərən iaşə obyekti sahibəsinin ermənilərə dəstək fonduna külli miqdarda vəsait köçürüldüyü bildirilir.

1news.az yenicag.az-a istinadən xəbər verir ki, bu barədə Vətəndaş və İnkişaf Partiyasının (VİP) sədri Əli Əliyev özünün "Facebook" səhifəsində yazıb:

"Bu qadın Bakı şəhəri 34 ünvanında yerləşən Anderson-"Coffee shop in Baku" obyektinin sahibəsidir. Bu günlərdə erməni fonduna 50 min ABŞ dolları keçirib.

Bakıda pul qazanır və övladlarımızın öldürülməsi üçün düşmənə yardım edir.

Bu müəssisə aidiyyəti qurumlar tərəfindən dərhal qapadılmalı və erməni əsilli bu iş adamının ölkədə fəaliyyəti qadağan edilməlidir".

Qeyd edək ki, Nəsimi rayonunda (AF Mall) yerləşən "AnderSon" ailəvi kafelər şəbəkəsinin sahibi Anastasiya Tatulova şəxsi sosial şəbəkə hesabında paylaşım edərək "Düşüncələrimlə, pulumla, hər şeyimlə ermənilərin tərəfindəyəm", - deyə qeyd edib.

Bundan sonra sosial şəbəkə istifadəçiləri onu tənqid ediblər, indiyə kimi kafedə olmuş müştərilər də şərh yazaraq obyekti boykot etdiklərini bildirərək Azərbaycanın öz torpaqlarını işğaldan azad etdiyini qeyd ediblər.

Bir müddət sonra A.Tatulova paylaşımını silib. Dünən isə həmin kafe fəaliyyətini dayandırıb və Tatulova barəsində araşdırmalar aparılır.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net