1news.az

Əli Əhmədov: Xocalı faciəsi insanlığa qarşı törədilmiş ən böyük cinayətlərdən biridir

25 Fevral saat 13:29 ~ 4 dəqiqəlik oxu 134
Əli Əhmədov: Xocalı faciəsi insanlığa qarşı törədilmiş ən böyük cinayətlərdən biridir

Azərbaycan xalqının tarixində ən dəhşətli, qandonduran, tükürpədən faciələr içərisində Xocalı soyqırımı ayrıca yer tutur.

1news.az-ın Trend-ə istinadən verdiyi xəbərə görə, bunu Baş nazirin müavini, Yeni Azərbaycan Partiyasının Sədr müavini-İcra katibi Əli Əhmədov Xocalı faciəsinin 28-cı il dönümünə həsr olunmuş tədbirdə deyib.

Ə.Əhmədov bildirib ki, Xocalıda baş verən qətliamda öz həyatını itirən insanlar dinc əhali idi: "Xüsusilə də həlak olan 613 nəfər Xocalı sakinlərinin içərisində uşaqlar, qadınlar, qocalar var idi ki, onlar dinc əhali olmaqla yanaşı, düşmən tərəfi üçün hər hansı təhükə deyildi. Xocalı faciəsi eyni zamanda bəşəriyyətə, insanlığa qarşı törədilmiş ən böyük cinayətlərdən biridir. Qocaların, uşaqların, qadınların ən qəddar şəkildə qətlə yetirilməsi, qətlə yetirilən cəsətlərin üzərində təhqiramiz hərəkətlərin edilməsi ondan xəbər verir ki, bu bəşəriyyətə qarşı çevrilmiş bir vəhşilik, bir cinayət idi.

Biz Xocalı hadisəsini birmənalı şəkildə, qəti olaraq soyqırım hesab edirik. O insanlar azərbaycanlı olduqlarına görə qətlə yetirildilər. Azərbaycan xalqı heç zaman bu soyqırımı unutmayıb, unutmur və heç zaman unutmayacaq. Xocalı soyqırmı Azərbaycan xalqının qan yaddaşına çevrilib və Azərbaycan xalqının tarixinin bütün mərhələlərində ən qanlı faciə kimi Azərbaycan xalqı ilə birlikdə yaşayacaq".

Ə.Əhmədov vurğulayıb ki, Xocalı faciəsinin beynəlxalq aləmdə tanıdılması və soyqırım kimi qəbul olunması istiqamətində böyük ilər görülür, xüsusilə "Xocalıya ədalət" kampaniyası çərçivəsində aparılan işlər nəticəsində bir sıra dövlətlərdə Xocalı faciəsi soyqırım kimi qıbul olunub: "Bütövlükdə daha geniş miqyasda Xocalı faciəsinin soyqırım kimi qəbul olunması istiqamətində bizim qarşımızda böyük vəzifələr durur. Bu faciənin bizi ən çox narahat edəm məqamlarından biri də odur ki, Xocalı faciəsini törədənlər öz layiqli cəzalarını almayıblar. Nəinki cəzalarını almayıblar, bir sıra halarda isə onlar Xocalı faciəsini törətdiklərinə görə fəxr etdiklərini dillərinə gətirib və bu barədə bəyanatlar səsləndriblər. Təəssüf hissi ilə qeyd etmək lazımdır ki, beynəlxaq qurumlar .tərəfindən Xocalı soyqırımını törədən insanlar barəsində indiyə qədər heş bir addım atmayıblar. "

Daha sonra isə çıxış edən Xocalıdan olan millət vəkili Elman Məmmədov bildirib ki, bu gün bütün xocalılar üçün danışmaq çox ağırdır: "Çünki bu gün Xocalının son günüdür. Biz 28 il bundan öncə bilmirdik ki, fevralın 25-i Xocalının son günü olacaq. Çünki Respublika rəhbərliyi bizim gündəlik müraciətlərimizə belə cavab verirdi: "Qorxmayın, möhkəm dayanın, sabah gələcəyik" Son 1 ayın danışıqlarının məzmunu bu cür idi. Xocalı son 4 ayını mühasirə şəraitində yaşadı. 1991-ci ilin noyabr ayının 1-dən bugünkü günə qədər bu mühasirə davam edir. Bu 4 ayda o dövrün deputatları Arif Rəhimzadə, Eldar İbrahimov da təsdiq edə bilər ki, mən dəfələrlə Ali Sovetin iclaslarında xahiş etdim ki, bizə kömək edin. Çünki rəgbərliyin başı burada hakimiyyət uğrunda mübarizəyə qarışmışdı. Ancaq bu çağırışların faydası olmadı. Ümidverici vədlərdən başqa bizə heç nə deyilmədi. Nə vaxt ki, millətə, dövlətə, xalqa rəhbərlik edənlər yerində olmur, vəzifəsinin məsuliyyətini dərk etmir, onda Xocalı məhv olur. Bakıda gedən hakimiyyət davaları nəticəsində düşmənin əlinə fürsət düşdü, düşmən istədiyini etdi, soyqırım törətdi. Xocalının ətrafında Xocalıdan başqa ikinci bir azərbaycanlılar yaşayan yaşayış məntəqəsi yox idi. Xocalı təkcə ortada qalmışdı".

E.Məmmədov qeyd edib ki, Xocalı soyqırımı ilk dəfə dünyada Heydər Əliyev tərəfindən tanıdılmağa başlanılıb: "Bu tədbirlər bu gün də çox geniş vüsət alıb. Artıq xeyli dövlətlər mextəlif səviyyələrdə bu soyqırımı tanıyıb. Beynəlxalq güclər bu gün Xocalı soyqırımına qarşı da, bütövlükdə Azəebaycan torpaqlarının 20%-nin işğal altında qalmasına da göz yumur. Buna görə də işğalçı, terrorçu dövlət bu günə kimi cəzasız qalıb. Biz torpaqlarımızı işğaldan azad etmək, düşməni, işğalçını cəzalandərmaq üçün çox güclü olmalıyıq. Çünki gücün sözünün kəsəri olur, güc qalib gəlir".

Tədbir daha sonra çıxışlarla davam edib.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net