1news.az

Gəncədə idmançı gəncin intiharı ilə bağlı açıqlama verildi - FOTO

14 Avqust saat 17:08 ~ 2 dəqiqəlik oxu 18240
Gəncədə idmançı gəncin intiharı ilə bağlı açıqlama verildi - FOTO

Whatsapp messencerdə Gəncədə idmançı cüssəli şəxsin evin damında asılmış cəsədinin fotoları və bu itiharla bağlı səs yazıları yayılıb. 

Bu intihar hadisəsi ilə bağlı sosial şəbəkələr müxtəlif fikirlər səsləndirilməkdədir. Belə ki, "whatsapp messencer"də yayılan səs yazılarının birində intihar edən gəncin Mərkəzi Klinikada işlədiyi və klinikada başqa biri ilə aralarında düşən mübahisədən sonra döyüldüyü üçün özünü asdığı iddia edilir. Digər səs yazısında isə, gəncin Gəncədə qıza söz atdığı və həmin qızın yaxınları tərəfindən asıldığı bildirilir.

Məsələ ilə bağlı 1news.az-a məlumat verən DİN-in Mətbuat Xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov bildirib ki, son günlər sosial şəbəkələrdə intihar etmiş bir nəfər Gəncə şəhər sakininin ölüm səbəbləri barədə həqiqətə uyğun olmayan, əsassız xəbərlər yayılıb.

"Qeyd edim ki, iyul ayının 18-də Gəncə şəhər Baş Polis İdarəsinin Nizami Rayon Polis İdarəsinə bir nəfərin xidməti ərazidəki binalardan birinin damında intihar etməsi ilə bağlı məlumat daxil olub. Şəhər Prokurorluğunun və Baş Polis İdarəsinin əməkdaşları hadisə yerində olub, prokuror-kriminalistin və məhkəmə-tibb ekspertinin iştirakı ilə meyitə baxış keçirilib, digər zəruri hərəkətlər yerinə yetirilib.
İlkin araşdırma zamanı müəyyən edilib ki, Gəncə şəhər sakini Kamran Qasımov iyulun 16-da yaşadığı binanın damında özünü asaraq intihar edib.
Faktla bağlı Gəncə şəhər Prokurorluğunda Azərbaycan Respublikasının Cinayət Məcəlləsinin 125-ci maddəsi ( Özünü öldürmə həddinə çatdırma - Təqsirkardan maddi, xidməti və ya sair cəhətdən asılı olmuş zərərçəkmiş şəxsi onunla amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma) ilə başlanan cinayət işi üzrə zəruri istintaq hərəkətləri aparılıb. Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izlərinin aşkarlanmamış, mərhumun həyat yoldaşından ayrıldığı üçün dərin psixoloji gərginlik keçirməsi nəticəsində intihar etməsinə dair əsaslı dəlillər toplanmışdır. Hazırda faktla bağlı araşdırmalar davam etdirilir".

Səs yazıları etik normalara uyğun olmadığı üçün təqdim etmirik. 

 

Qafar Ağayev

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2021 "The First News" İnformasiya Agentliyi,,
Bütün hüquqlar qorunur
entonee.net