ru

Cəmiyyət

30 Oktyabr saat 13:51

Müəllimlərin işə qəbulu üzrə müsahibələrin təşkili qeyri-müəyyən müddətədək uzadıldı

Müəllimlərin işə qəbulu üzrə müsahibələrin təşkili qeyri-müəyyən müddətədək uzadıldı

Müəllimlərin işə qəbulu üzrə müsahibələrin təşkilində müəyyən dəyişikliklər tətbiq olunur.

Peşə Təhsili üzrə Dövlət Agentliyindən 1news.az-a verilən məlumata görə, hazırda peşə təhsili pilləsinə işə qəbul üzrə müsahibələr elektron qaydada aparılır. Regionlar üzrə elan edilmiş ixtisas fənn müəllimi və istehsalat təlimi ustası vakansiyaları üzrə müraciət ünvanlayan və ilk mərhələdən uğurla keçən şəxslər növbəli şəkildə müsahibəyə dəvət olunmaqdadırlar.

Tətbiq edilən yeni format Nazirlər Kabinetinin müvafiq qərarına uyğun olaraq ölkə ərazisində xüsusi karantin rejimi müddətinin uzadılması və bir sıra məhdudiyyətlərin tətbiqindən qaynaqlanır. Cəbhəboyu ərazilərdə yer alan peşə təhsil müəssisələrinə qəbul üzrə müsahibələrin təşkilində müəyyən çətinliyi nəzərə alaraq, hazırki dövrdə müsahibə mərhələsinin qeyri-müəyyən müddətədək uzadılması nəzərdə tutulur.

Qeyd edək ki, Bakı və Sumqayıt şəhərlərindən müraciət etmiş namizədlər üçün müsahibə mərhələsi 23 oktyabr tarixindən etibarən yekunlaşmış hesab olunur.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News", İnformasiya Agentliyi
Bütün hüquqlar qorunur