SOCAR-ın dövlət büdcəsinə köçürmələri 18% azalıb
2015-ci ilin yanvar -noyabr ayları ərzində Azərbaycan Dövlət Neft Şirkəti (SOCAR) dövlət büdcəsinə 1 milyard 404 milyon 875 min manat vəsait köçürüb.
1news.az xəbər verir ki, bu haqda SOCAR –ın rəsmi saytında məlumat yerləşdirilib.
Qeyd edək ki,bu il SOCAR-ın dövlət büdcəsinə köçürmələrinin həcmi 2014-cü ilin analoji dövrü ilə müqayisədə 302 milyon 046min manat, yaxud 17,7% azalıb.
Beləliklə 11 ay müddətində SOCAR dövlət büdcəsinə 1 milyard 706 milyon 921 min manat köçürmə edib.
Bundan əlavə yanvar-noyabr ayları ərzində SOCAR Azərbaycan Dövlət Sosial Müdafiə Fonduna 126 milyon 606 min manat köçürüb ki, bu da keçən ilin 11 ayının göstəricilərindən 2,3% faiz, yaxud 2 milyon 928 min manat azdır.
Noyabr ayında SOCAR DSMF-yə 11 milyon 189 min manat köçürüb. Bu keçən ilin göstəricilərindən 5,4% yüksəkdir.
