Səlim Müslümov: “Prezidentin tapşırığına əsasən 10 illik yeni Məşğulluq Konsepsiyası hazırlanır" | 1news.az | Xəbərlər
Cəmiyyət

Səlim Müslümov: “Prezidentin tapşırığına əsasən 10 illik yeni Məşğulluq Konsepsiyası hazırlanır"

12:11 - 27 / 01 / 2016
Səlim Müslümov: “Prezidentin tapşırığına əsasən 10 illik yeni Məşğulluq Konsepsiyası hazırlanır"

Əmək və Əhalinin Sosial Müdafiəsi Nazirliyində “Azərbaycan Respublikasının Məşğulluq Konsepsiyası (2016-2025-ci illər)” layihəsinin hazırlanması məqsədilə yaradılmış İşçi qrupun iclası keçirilib.

1news.az-ın APA-ya istinadla verdiyi xəbərə görə, tədbirdə İqtisadiyyat, Mədəniyyət və Turizm, Gənclər və İdman, Vergilər, Əmək və Əhalinin Sosial Müdafiəsi nazirliklərinin, Dövlət Statistika Komitəsinin, Qeyri-Hökumət Təşkilatlarına Dövlət Dəstəyi Şurasının, Həmkarlar İttifaqları Konfederasiyasının, Dünya Bankının, BMT-nin Əhali Fondunun, Beynəlxalq Əmək Təşkilatının nümayəndələri iştirak edib.

İclası giriş sözü ilə açan əmək və əhalinin sosial müdafiəsi naziri Səlim Müslümov əmək ehtiyatlarından səmərəli istifadəyə şərait yaradılmaqla əhalinin məşğulluq səviyyəsinin yüksəldilməsinin Azərbaycan Prezidenti İlham Əliyevin sosial-iqtisadi inkişaf strategiyasının başlıca istiqamətlərindən biri olduğunu vurğulayıb.

Nazir bildirib ki, ötən müddətdə yoxsulluğun azaldılması və davamlı inkişaf, regionların sosial-iqtisadi tərəqqisi, habelə Məşğulluq Strategiyasının həyata keçirilməsi üzrə Dövlət Proqramları, 2004-cü ildən bəri 1,5 milyon iş yerinin, eləcə də ötən il 100 mindən çox iş yerinin yaradılması ölkədə əmək qabiliyyətli əhali arasında məşğulluq səviyyəsinin 95 faizədək yüksəlməsinə imkan verib:

“Azərbaycan Prezidenti İlham Əliyev tərəfindən ölkəmizdə mövcud demoqrafik meyllər və inkişaf perspektivləri, iqtisadi prioritetlər əsasında uzunmüddətli dövlət məşğulluq siyasətinin formalaşdırılması üçün Azərbaycan Respublikasının Məşğulluq Konsepsiyası layihəsinin hazırlanması barədə müvafiq tapşırıq verilib. Tapşırığın icrası olaraq, Konsepsiya layihəsinin hazırlanması üçün Əmək və Əhalinin Sosial Müdafiəsi Nazirliyinin müvafiq əmri ilə aidiyyəti dövlət orqanlarının, Azərbaycan Həmkarlar İttifaqları Konfederasiyasının, Azərbaycan Respublikasının Sahibkarlar (İşəgötürənlər) Təşkilatları Milli Konfederasiyasının və qeyri-hökumət təşkilatlarının nümayəndələrindən ibarət İşçi qrupu yaradılıb. İşçi qrupda ümumilikdə 21 aidiyyəti dövlət orqanı və sosial tərəfdaşlar təmsil olunur”.

S.Müslümov 2016-2025-ci illəri əhatə edəcək Konsepsiya layihəsinin 3 ay müddətində hazırlanmasının nəzərdə tutulduğunu bildirib:

“Layihədə mövcud makroiqtisadi vəziyyətin və əmək bazarının təhlili, gələcək inkişaf perspektivləri və meylləri, qarşıda duran əsas çağırışlar və problemlər, növbəti illər üçün məşğulluq siyasətinin əsas məqsəd və vəzifələri, əmək bazarında tələb və təklif arasında tarazlığın təmin edilməsi üzrə zəruri addımlar və s. əksini tapacaq”.

Nazir əlavə edib ki, Azərbaycanda müsbət demoqrafik amillərin təsiri nəticəsində, ölkə əhalisi artmaqda davam edir:

“Bu müsbət demoqrafik tendensiya gələcəkdə yeni iş yerlərinin artırılmasını əsas vəzifələrdən biri kimi müəyyən edir. Ona görə də daim artan demoqrafik yükün əmək bazarına və məşğulluq siyasətinə təsirinin qiymətləndirilməsi yeni Konsepsiya layihəsinin hazırlanması zamanı diqqətdə saxlanılacaq. Makroiqtisadi siyasət və sahibkarlığın inkişafı, yeni iqtisadi inkişaf mərhələsində məşğulluq siyasətinin formalaşdırılması, infrastruktur layihələrində, dövlət investisiya xərclərində məşğulluq amilinə önəm verilməsi, rəqabətədavamlı kadr potensialının yaradılması, əmək bazarının inkişafı üzrə informasiya təminatının yaxşılaşdırılması layihədə prioritet istiqamətlər kimi əksini tapacaq. Bu istiqamətlər sırasına işsiz və işaxtaran vətəndaşların sosial müdafiəsinin gücləndirilməsi, sosial cəhətdən həssas əhali qruplarının əmək bazarına inteqrasiyası, sosial məsuliyyət və sosial tərəfdaşlığın inkişaf etdirilməsi də daxil ediləcək”.

S.Müslümov həmin istiqamətlər nəzərə alınmaqla “Azərbaycan Respublikasında Məşğulluq Konsepsiyası (2016-2025-ci illər)” layihəsinin hazırlanması üzrə İşçi qrupun müzakirəsi üçün müəyyən edilən məsələləri qeyd edib:

“Bu məsələlər sırasına iqtisadi şaxələndirmənin məşğulluğun strukturuna və inkişafına təsirinin qiymətləndirilməsi, əmək bazarında tarazlığı təmin edəcək və məşğulluğu stimullaşdıracaq institusional islahatların istiqamətlərinin müəyyən edilməsi, regionlar üzrə qeyri-neft sektoruna üstünlük verilməklə yeni iş yerlərinin yaradılması və məşğulluğun strukturunun diversifikasiyası, əmək bazarının inkişafı üzrə vahid informasiya məkanının formalaşdırılması və s. aiddir. Həmçinin  əmək bazarında peşə və ixtisaslar üzrə kadr tələbatına dair proqnozun müəyyənləşdirilməsi metodologiyasının hazırlanması, ali, orta və peşə-ixtisas tədris müəssisələrinə tələbə qəbulunun əmək bazarının real və perspektiv tələblərinə uyğunlaşdırılması, işsizlikdən icbari sığorta sisteminin tətbiqi, ev təsərrüfatları başçısı olan qadınların əmək bazarına çıxış imkanlarının qiymətləndirilməsi və digər məsələlər nəzərdə saxlanılacaq”.

Daha sonra İşçi qrupun qarşısında duran vəzifələr və fəaliyyət planı barədə iclas iştirakçılarına məlumat verilib. Tədbir iştirakçıları Məşğulluq Konsepsiyası layihəsinin hazırlanmasında, layihədə  əsas məqsəd və  vəzifələrin müəyyən olunmasında ölkənin mövcud sosial-iqtisadi inkişaf meyllərinin, demoqrafik amillərin nəzərə alınmasının vacibliyini xüsusi vurğulayıblar. İclasda əmək bazarında mövcud vəziyyət, gənclərin məşğulluğunun artırılması, sahibkarlıq mühitinin yaxşılaşdırılması, yeni iş yerlərinin yaradılması, əmək bazarında tələb və təklifin uyğunlaşdırlması, peşəyönümü sisteminin təkmilləşdirilməsi və digər məsələlər ətrafında müzakirələr aparılıb. Dünya Bankının və Beynəlxalq Əmək Təşkilatının ekspertləri tərəfindən həmin qurumların layihənin hazırlanmasına göstərəcəkləri texniki dəstək barədə məlumat verilib.

Eyni zamanda, müvafiq statistik rəqəmlər təhlil edilməklə, hazırlanacaq Konsepsiyanın fəaliyyət istiqamətlərinin müəyyənləşdiriliməsi, beynəlxalq konvensiyaların tələblərinə uyğunlaşdırılması və gənclərin əmək bazarına daxil olmaları üçün yeni peşə və bacarıqlara yiyələnmələrinə şəraitin yaradılması, eləcə də Azərbaycanda təbii kapitalın insan kapitalına yönləndirilməsi ilə bağlı təkliflər irəli sürülüb.

1news.az

Paylaş:
482

Son xəbərlər

Karantin qaydalarını pozan şadlıq sarayının sahibi həbs olunub22 / 01 / 2022, 18:00Saatlıda qanunsuz ov edən şəxs saxlanılıb22 / 01 / 2022, 17:41Putin və Paşinyan Ermənistan-Azərbaycan sərhədinin delimitasiyası və demarkasiyasını müzakirə edib22 / 01 / 2022, 17:11Peyvənd olunanların sayı açıqlanıb22 / 01 / 2022, 16:47Bu gün 1614 nəfər koronavirusa yoluxub – STATİSTİKA22 / 01 / 2022, 16:41“Kubinka” və “Papanin”də narkotacirlər saxlanılıb – VİDEO22 / 01 / 2022, 16:29İmmunitet sertifikatı test nəticəsindən 7 gün sonra veriləcək22 / 01 / 2022, 16:00Koronavirusa görə təyyarə ekipajı üçün qoyulan tələblər dəyişdirilib22 / 01 / 2022, 15:55Azərbaycanda karantin nəzarətinə götürülmə qaydası dəyişib22 / 01 / 2022, 15:49Nazirlər Kabinetindən karantin rejimi ilə bağlı QƏRARLAR22 / 01 / 2022, 15:41Komando hərbi hissəsində təlim məşqləri keçirilib - VİDEO22 / 01 / 2022, 15:24Polis müqavimət göstərən narkotacirə silah tətbiq edib - FOTO - VİDEO22 / 01 / 2022, 15:09DSX matrosunun intiharı ilə bağlı cinayət işi açılıb22 / 01 / 2022, 14:36Yaxın zamanlarda ilk məcburi köçkün ailələrinin öz evlərinə geri dönüşünün şahidi olacağıq – Nazir22 / 01 / 2022, 14:31Ötən il 114 uşaq övladlığa verilib22 / 01 / 2022, 14:22DSX-nin matrosu Hərbi Hospitalda intihar edib22 / 01 / 2022, 14:07Təhsil üzrə ekspert: Məktəblərdə böhran – tunelin sonunda işıq görünür?22 / 01 / 2022, 13:48Bakıda yarımtikilidə baş verən yanğın söndürülüb - VİDEO22 / 01 / 2022, 13:35Birinci vitse-prezidentə və vitse-prezidentlərə ömürlük diplomatik pasport veriləcək22 / 01 / 2022, 13:28“Xudafərin” və “Qız Qalası” hidroqovşaqlarının inşası sürətləndiriləcək22 / 01 / 2022, 13:10
Bütün xəbərlər

Next TV