Sabah DGK rəhbərliyinin mətbuat konfransı keçiriləcək
Yanvarın 29-u saat 11:00-da Ümumdünya Gömrük Təşkilatının Avropa Regional Ofisində “2015-ci ilin yekunları və qarşıda duran vəzifələr” mövzusunda mətbuat konfransı keçiriləcək. Konfransda Dövlət Gömrük Komitəsi (DGK) rəhbərliyinin iştirakı nəzərdə tutulur.
1news.az APA-ya istinadən xəbər verir ki, Komitənin Mətbuat Xidmətindən verilən məlumata görə, mətbuat konfransında iştirak etmək istəyən kütləvi informasiya vasitələrinin nümayəndələrindən yanvarın 28-i saat 14:00-dək DGK (əlaqələndirici şəxs - Hacıyeva Züleyxa, əlaqə telefonu: (012) 404-22-00: daxili 01-32) ilə əlaqə saxlayıb qeydiyyatdan keçmələri xahiş olunur və yalnız qeydiyyatdan keçən jurnalistlərin mətbuat konfransında iştirakı təmin olunacaq.
Mətbuat konfransında iştirak etmək istəyən jurnalistlərdən saat 10:45-də girişdə qeydiyyatdan keçmələri, şəxsiyyəti təsdiq edən sənədi və ya təmsil etdikləri media qurumu tərəfindən verilən jurnalist vəsiqəsini mütləq surətdə təqdim etmələri xahiş olunur.
