"Bank of Azerbaijan"ın 420-dən çox əmanətçisinə 9 milyondan artıq kompensasiya ödənilib
"Bank of Azerbaijan" ASC-nin əmanətçilərinə Əmanətlərin Sığortalanması Fondu (ƏSF) tərəfindən seçilmiş agent banklar - "Muğanbank" ASC və "Rabitəbank" ASC vasitəsilə kompensasiya ödənişi davam edir.
ƏSF-dan 1news.az-a bildiriblər ki, agent banklar tərəfindən 4 gün ərzində sənədləri qaydasında olan 420-dən çox əmanətçiyə 9 milyondan artıq kompensasiya ödənilib.
Sığorta hadisəsi baş vermiş "Bank of Azerbaijan" ASC-nin qorunan əmanətçilərindən ərizələrin qəbuluna yanvarın 29-dan etibarən agent bankların filiallarında başlanılıb və həmin gündən etibarən qorunan əmanətçilərə kompensasiya ödənişi həyata keçirilir.
Sığorta hadisəsinə görə Fond tərəfindən hər bir qorunan əmanətçiyə 100 faiz həcmində, lakin 30 min manatdan çox olmamaq şərti ilə kompensasiya ödənilir.
1news.az
