Qətl və quldurluqda təqsirləndirilən sabiq polis əməkdaşı ömürlük azadlıqdan məhrum edilib
![Qətl və quldurluqda təqsirləndirilən sabiq polis əməkdaşı ömürlük azadlıqdan məhrum edilib](/images/articles/2016/02/05/thumb_20160205015445480.jpg?2021-02-17+09%3A23%3A32)
Bakı Ağır Cinayətlər Məhkəməsində qətl və quldurluqda təqsirləndirilən Şakir Orucov, Röyal Əhmədov, Rəşad Tağıyev və Rəhim Səttarovun cinayət işi üzrə məhkəmə prosesi başa çatıb.
1news.az-ın APA-ya istinadən verdiyi xəbərə görə, prosesdə hökm oxunub. Hökmə əsasən Ş.Orucovun ömürlük, R.Əhmədov 20 il, digərlərinin isə hər biri 13 il müddətinə azadlıqdan məhrum edilib.
Qeyd edək ki, Ş.Orucov Naxçıvan Muxtar Respublikası Daxili İşlər Nazirliyinin Mühafizə Şöbəsinin polis nəfəri vəzifəsində işləyən zaman R.Əhmədovla cinayət əlaqəsinə girib. Onlar 2012-ci ildə Naxçıvan şəhərində yaşayan Nəsibə Axundovanı öldürərək evini qarət ediblər.
Daha sonra Bakıya gələn Ş.Orucovla R.Əhmədov R.Tağıyev və R.Səttarovla cinayət əlaqəsinə girərək bir neçə quldurluq cinayəti törədiblər.
1news.az