“Azəryolservis”in xüsusi icazəsi olmayan iriqabaritli nəqliyyat vasitələrinin hərəkəti məhdudlaşdırılır

“Azəryolservis”in xüsusi icazəsi olmayan iriqabaritli nəqliyyat vasitələrinin hərəkətinə məhdudiyyət tətbiq olunacaq.

Azərbaycan Respublikasının ümumi istifadədə olan avtomobil yolları ilə hərəkət edən avtonəqliyyat vasitələrinin icazə verilən qabarit və çəki parametrləri haqqında müəyyən edilmiş qabarit və çəki parametrlərinə uyğun olmayan nəqliyyat vasitələri “Azəryolservis” ASC tərəfindən verilmiş xüsusi icazəyə malik olmalı və həmin xüsusi icazədə göstərilmiş şərtlər və marşrut üzrə hərəkət etməlidirlər.

ASC-dən 1news.az-a verilən məlumata görə, əks halda yol hərəkətinin təhlükəsizliyi nəzərə alınaraq həmin avtonəqliyyat vasitələri hərəkətdən kənarlaşdırılacaqlar. Onların hərəkəti xüsusi icazə alındıqdan və yalnız təyin olunmuş marşrut üzrə bərpa oluna bilər.

Nəqliyyat vasitəsinin icazə verilən qabaritləri Nazirlər Kabinetinin 2009-cu il 7 iyul tarixli 104 nömrəli qərarı ilə təsdiq edilmiş 1 nömrəli cədvəllə (fotoda - red.) müəyyən edilmiş hədləri aşmamalıdır:

1news.az