Parlamentdə daxili bazarın ixracdan qorunması məsələsi müzakirə olunub

Respublikada aparılan islahatlar qeyri-neft sektorunun inkişafına yönəlib.

1news.az xəbər verir ki, bu fikir Milli Məclisin iqtisadi siyasət komitəsinin sədri akad. Ziyad Səmədzadə

“Antidepminq, təzminat və mühafizə haqqında tədbirlər” qanunlayihəsinin müzakirəsi zamanı səsləndirib.

Onun sözlərinə görə bu qanunlayihəsi daxili bazarın mühafizəsinə və iqtisadiyyatın inkişafına xidmət edəcək.   

“Bəzi yerli kənd təsərrüfatı məhsulları rəqabətə davam gətirə bilmir, daxili bazarın mühafizəsi üçün tədbirlər görmək lazımdır”,- Z.Səmədzadə deyib.

Iqtisadiyyat nazirinin müavini Sahil Babayev qeyd edib ki, bu layihəsinin qəbulu ölkəyə xarici məhsulların daxil olmasını məhdudlaşdırmır.

“Qanunlayihəsi hazırlanarkən dünya təcrübəsindən istifadə olunub. Qanunlayihəsinin əsas məqsədi Azərbaycanda istehsal olunan məhsulların mühafizəsidir. Belə bir layihə bir bir çox ölkələrdə tətbiq olunur”, - o deyib.

Xatırladaq ki, qanun layihəsi yerli istehsalın mühafizəsinə, dempinqli və ya sibsidiyalı idxalın yerli istehsalçıya vura biləcəyi zərərin qarşısının alınmasına  yönəlib.

Bu qanun layihəsi həm də, antidepminq qanunlarının, təzminaqr tədbirləri və xüsusi rüsumların tətbiqini tənzimləyir.

1news.az