Cəlilabadda ağır qəza olub: sürücü ölüb, sərnişini yaralanıb

Cəlilabad rayonunda ölümlə nəticələnən ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə fevralın 9-da gecə saat 01:00 radələrində qeydə alınıb.

Belə ki, Cəlilabad şəhərində Masallı rayon sakini Xəyal Abıyev idarə etdiyi “Mercedes” markalı avtomobili yolun kənarındakı ağaca vurub.

Nəticədə X.Abıyev hadisə yerində ölüb, sərnişini isə xəstəxanaya yerləşdirilib.

BDYPİ tərəfindən araşdırma aparılır.

1news.az