Tütün əkini sahələri genişləndiriləcək

Azərbaycanda tütün əkini sahələri genişləndiriləcək.

1news.az-ın məlumatına görə, bu barədə bu gün İqtisadiyyat Nazirliyində keçirilən geniş kollegiya iclasında məlumat verilib.

Məlumata görə, tütünçülüyə marağın daha da artırılması məqsədilə stimullaşdırma tədbirləri həyata keçiriləcək, fermerlərə güzəştli kreditlərdən və aqrolizinq xidmətlərindən daha geniş istifadə imkanları yaradılacaq.

2016-cı ildə ötən illə müqayisədə 2 dəfədən çox - 3 min hektar sahədə tütün əkiləcək. Bütün bunlar isə bu sahədə məşğulluq səviyyəsini əhəmiyyətli dərəcədə yüksəldəcək, tütünçülük sahəsində çalışanların sayı ötən illə müqayisədə 2 dəfə artmaqla 8 min nəfərə çatacaq.

1news.az