Multikulturalizm məktəbinin iştirakçıları Azərbaycan Prezidentinə müraciət ünvanlayıblar

Bazar ertəsi başa çatan Beynəlxalq multikulturalizm qış məktəbinin iştirakçıları Azərbaycan Prezidenti İlham Əliyevə müraciət ünvanlayıblar.

Gənc iştirakçılar müraciətdə proqramda iştirak etdikləri üçün, eyni zamanda Bakı və Azərbaycanın bir çox regionlarına səfərləri, ölkənin qədim tarixi, adətləri və mədəniyyəti ilə yaxından tanışlıqları ilə bağlı yaratdığı şəraitə görə ölkə prezidentinə minnətdarlıqlarını bildiriblər. Bu konteksdə də multikulturalizmin mehriban və dostluq münasibətində birlikdə yaşamaq ənənəsi xüsusi vurğulanıb.

Sənəddə qeyd olunur ki, İlham Əliyevin yürütdüyü siyasət sülh və əmin-amanlığa istiqamətlənərək ölkə vətəndaşlarının milliyətindən və dini inancından asılı olmayaraq hər kəsin çiçəklənməsi və rifahına yönəlib.

2016-cı ilin “Multikulturalizm ili” elan olunmasını sülh və aşkarlığa çağırış kimi qeyd edən iştirakçılar öz növbələrində bunu gəldikləri ölkələrə qədər aparmağa hazır olduqlarını bəyan ediblər.

Sonda gənc iştirakçılar dövlət başçısına uğurlar diləyərək, onun yürütdüyü siyasət nəinki Azərbaycanda, bütün regionda da sabitlik və qarşılıqlı anlaşmaya səbəb olduğunu da xüsusi vurğulayıblar.    

Xatırladaq ki, Azərbaycanda Beynəlxalq multikulturalizm qış məktəbi bazar ertəsi sona çatdı. Proqram çərçivəsində Rusiya, İsveçrə, Ukrayna, Türkiyə, İtaliya, Portuqaliya, Polşa, Çexiya, Gürcüstan, Belarus, Bolqarıstan, Litva, İndoneziya, Yaponiya və Almaniyadan 50-dən çox tələbə, Azərbaycan universitetlərindən 12 tələbə, habelə yerli və əcnəbi mütəxəssislər iştirak etdi.

1news.az