Prezident Bələdiyyələrin Dövlət reyestrinin aparılması haqqında Əsasnamə ilə bağlı fərmanda dəyişikliyi təsdiq edib
Prezident İlham Əliyev “Bələdiyyələrin Dövlət reyestrinin aparılması və onlara şəhadətnamənin verilməsi haqqında Əsasnamə”nin təsdiq edilməsi barədə” Azərbaycan Respublikası Qanununun icrasının təmin edilməsi haqqında” Azərbaycan Respublikası Prezidentinin 2010-cu il 24 may tarixli 271 nömrəli Fərmanında dəyişikliklər edilməsi barədə Fərman imzalayıb.
1news.az-ın dövlət başçısının rəsmi saytına istinadən verdiyi xəbərə görə, fərmanda deyilir:
“Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Respublikasının Əmlak Məsələləri Dövlət Komitəsinin fəaliyyətinin təkmilləşdirilməsi tədbirləri və “Azərbaycan Respublikasının Əmlak Məsələləri Dövlət Komitəsinin fəaliyyətinin təmin edilməsi haqqında” Azərbaycan Respublikası Prezidentinin 2009-cu il 24 iyun tarixli 116 nömrəli Fərmanında dəyişikliklər edilməsi barədə” Azərbaycan Respublikası Prezidentinin 2015-ci il 4 may tarixli 516 nömrəli Fərmanının icrası ilə əlaqədarqərara alıram:
“Bələdiyyələrin Dövlət reyestrinin aparılması və onlara şəhadətnamənin verilməsi haqqında Əsasnamə”nin təsdiq edilməsi barədə” Azərbaycan Respublikası Qanununun icrasının təmin edilməsi haqqında” Azərbaycan Respublikası Prezidentinin 2010-cu il 24 may tarixli 271 nömrəli Fərmanında (Azərbaycan Respublikasının Qanunvericilik Toplusu, 2010, № 5, maddə 400, № 6, maddə 500; 2013, № 2, maddə 119) aşağıdakı dəyişikliklər edilsin:
1. 3-cü hissə ləğv edilsin.
2. Həmin Fərmanla təsdiq edilmiş “Bələdiyyələrin Dövlət reyestrinə daxil edilən bələdiyyələrin xəritələrinin hazırlanması Qaydası”nda aşağıdakı dəyişikliklər edilsin:
2.1. 1.2-ci bənddə “Azərbaycan Respublikasının Dövlət Torpaq və Xəritəçəkmə Komitəsi (bundan sonra — DTXK) tərəfindən” sözləri çıxarılsın, “iştirakı ilə” sözləri “tərəfindən” sözü ilə əvəz edilsin;
2.2. 4.1-ci, 4.2-ci, 4.4-cü, 5.5-ci, 7.1-ci, 8.3-cü (birinci halda), 8.4-cü, 8.8-ci bəndlərdə ismin müvafiq hallarında “DTXK" abreviaturası ismin müvafiq hallarında “ƏMDK" abreviaturası ilə əvəz edilsin;
2.3. 4.2-ci bənddən “ƏMDK-nın müvafiq ərazi bölməsinin nümayəndəsinin,” sözləri çıxarılsın;
2.4. 5.5-ci bənddən “ƏMDK-nın müvafiq ərazi bölməsinin nümayəndəsi,” sözləri çıxarılsın;
2.5. 8.3-cü bənddən “DTXK -nın və” sözləri çıxarılsın;
2.6. 5.6-cı bənddə “DTXK-nın və ƏMDK-nın sədrləri” sözləri “ƏMDK-nın sədri" sözləri ilə əvəz edilsin”.
President.az
