Əmək və Əhalinin Sosial Müdafiəsi Nazirliyində Apellyasiya Şurası yaradılıb

Azərbaycan Respublikası Prezidentinin “Azərbaycan Respublikasının mərkəzi və yerli icra hakimiyyəti orqanlarında Apellyasiya Şuralarının yaradılması haqqında” 3 fevral 2016-cı il tarixli Fərmanına uyğun olaraq, Əmək və Əhalinin Sosial Müdafiəsi Nazirliyində Apellyasiya Şurası yaradılıb.

1news.az-ın nazirliyin rəsmi saytına istinadla verdiyi xəbərə görə, Apellyasiya Şurasının Əsasnaməsi təsdiq edilib və əmək və əhalinin sosial müdafiəsi nazirinin müavini İdris İsayev Apellyasiya Şurasının sədri, nazirliyin struktur bölmələrinin məsul vəzifəli şəxslərindən ibarət 6 nəfər isə Şuranın üzvləri təyin ediliblər. Apellyasiya Şurasının Katibliyinin rəhbəri və tərkibi də təsdiq edilib. 

Sahibkarlıq fəaliyyəti göstərən fiziki və hüquqi şəxslərin özlərinin sahibkarlıq fəaliyyəti ilə bağlı təkrar şikayətlərinə Apellyasiya Şurasında baxılaraq, onların şikayətlərinin araşdırılması sahəsində şəffaflığın və obyektivliyin, eləcə də həmin şəxslərin hüquqlarının və qanunla qorunan maraqlarının müdafiə olunması təmin ediləcəkdir.

http://www.mlspp.gov.az/az/pages/533

1news.az