Qanunsuz olaraq zinət əşyalarını sərhəddən keçirmək istəyən şəxs saxlanılıb

Qanunsuz olaraq zinət əşyalarını Azərbaycan-İran sərhəddindən keçirmək istəyən şəxs saxlanılıb.

1news.az-ın Dövlət Gömrük Komitəsinə istinadən verdiyi xəbərə görə, Astara Gömrük İdarəsinin sərnişin şöbəsində Azərbaycan vətəndaşı Azər İslamzadə Azərbaycan Respublikasından İran İslam Respublikasına getmək üçün gömrük nəzarətindən keçərkən hərəkətləri şübhə doğurduğuna görə saxlanılıb və üzərində şəxsi yoxlama aparılıb.

Şəxsi yoxlama zamanı A.İslamzadənin üzərində gömrük nəzarətindən gizlədilmiş, xalis çəkisi 136,9 qram olan, 2 dəst sırğa-üzük, 1 ədəd boyunbağı, 1 ədəd qolbaq və 16 ədəd üzük aşkar edilərək götürülüb.

Faktla bağlı araşdırma aparılır.

1news.az