Salyanın Qarabağlı kəndində 100 yerlik uşaq bağçası tikilir

Salyanın Qarabağlı kəndində Heydər Əliyev Fondunun maliyyə dəstəyi ilə 100 yerlik uşaq bağçası-körpələr evi tikilir.

İki mərtəbədən ibarət olan binada hörgü artıq başa çatdırılıb. Hazırda binada dam örtüyünün vurulması və qapı-pəncərənin quraşdırılması işləri görülür. Bağçanın həyətində su anbarı, davamlı enerji təminatı üçün transformator yarımstansiyası və istixana tikiləcək. Eyni zamanda, ərazidə yaşıllıqlar salınacaq, uşaqların əylənmələri üçün oyun meydançaları və müxtəlif qurğular quraşdırılacaq.

Bağçanın bu ilin sentyabr ayında istifadəyə verilməsi nəzərdə tutulub.