Prezident İlham Əliyevin İrana səfəri başlayıb – FOTO

Bu gün Azərbaycan Prezidenti İlham Əliyevin İran İslam Respublikasına rəsmi səfəri başlayıb.

1news.az-ın “Mehr” informasiya agentliyinə istinadla verdiyi xəbərə görə, İran prezidenti Həsən Ruhaninin dəvəti ilə Tehrana gələn Azərbaycan Prezidentini səfər çərçivəsində rəsmi şəxslərdən ibarət geniş tərkibli nümayəndə heyəti müşayiət edəcək.

Azərbaycan Prezidenti İlham Əliyevi Tehran hava limanında bu ölkənin informasiya-telekommunikasiya naziri Mahmud Vaezi qarşılayıb. Hava limanında qarşınlandıqdan sonra Prezident İlham Əliyevin Sadabat Sarayında İran prezidenti Həsən Ruhani tərəfindən rəsmi qarşılanma mərasimi olub.

Qeyd edək ki, Prezident İlham Əliyev daha əvvəllər də İranın hazırki dövlət başçısı Həsən Ruhani dövründə bu ölkəyə səfər etmişdi.  

Onu da bildirək ki, Azərbaycan Prezidenti İlham Əliyevin İrana səfəri çərçivəsində iki ölkə arasında əməkdaşlıqla bağlı 11 sənədin imzalanması gözlənilir.

1news.az