Müdafiə Nazirliyində Xocalı faciəsinin ildönümü ilə əlaqədar anma mərasimi keçirilib – FOTO
Silahlı Qüvvələrdə Xocalı soyqırımının iyirmi dördüncü ildönümü ilə əlaqədar silsilə tədbirlər keçirilir.
1news.az-ın Müdafiə Nazirliyinin saytına istinadən verdiyi xəbərə görə, təsdiq edilmiş tədbirlər planına əsasən Müdafiə Nazirliyinin Şəxsi Heyət Baş İdarəsində keçirilən anma mərasimində 1992-ci il fevralın 26-da erməni faşistləri tərəfindən Azərbaycan xalqına, eləcə də insanlığa qarşı törədilmiş ən qəddar və amansız soyqırımı qurbanlarının xatirəsi anılıb.
Çıxış edənlər şəxsi heyətə faciənin əsl mahiyyəti haqqında məlumat verib, xatirələrini bölüşüblər.
Natiqlər vurğulayıblar ki, bəşər tarixində vəhşiliyinə görə ən qanlı kütləvi terror hadisəsi olan Xocalı soyqırımı erməni quldurlarının dinc əhaliyə qarşı törətdikləri müdhiş cinayətdir.
Tədbir Müdafiə Nazirliyi Sənədli və Tədris Filmləri Kinostudiyası tərəfindən hazırlanan “Xocalı” filminin nümayişi ilə sona çatıb.
1news.az
