Nazir müavini: İtkin düşmüş neftçilərlə bağlı məsələlər nəzarət altında saxlanılır
“2015-ci ilin dekabrında “Günəşli” yatağında baş vermiş qəza nəticəsində itkin düşmüş neftçilərin axtarışı genişmqyaslı formatda həyata keçirilir”.
1news.az-ın verdiyi xəbərə görə, bu haqda xarici işlər nazirinin müavini Faiq Tağızadə çərşənbə günü jurnlistlərə açıqlamasında bildirib.
Lakin o, bildirib ki, itkin düşmüş neftçilərlə bağlı məsələlər Fövqəladə Hallar Nazirliyinin nəzarəti altındadır və bununla əlaqədar müvafiq tədbirlər görülür.
Xatırladaq ki, ötən ilin dekabrın 4-də Azərbaycan Dövlət Neft Şirkətinin (SOCAR) “Günəşli” yatağındagüclü yanğın baş vermişdi. Güclü külək nəticəsində qaz boru xəttinin zədələnməsi yanğına səbəb olmuşdu.
Qəza nəticəsində 33 nəfər xilas olub, 2 neftçi həlak olmuşdu, daha 29 nəfərin axtarışları hələ də davam edir. Hadisə ilə bağlı Cinayət Məcəlləsinin 225.2 “Ağır nəticələri olan yanğın təhlükəsizliyi qaydalarını pozma” maddəsi ilə cinayət işi açılıb.
Azərbaycan Respublikasının Prezidenti Dövlət Neft Şirkətinin (SOCAR) “Günəşli” yatağının 10 saylı stasionar dərin dəniz özülündə baş vermiş qəza ilə əlaqədar Baş nazir Artur Rasizadənin başçılığı ilə Dövlət Komissiyasının yaradılması haqqında sərəncam imzalayıb.
1news.az
