Azərbaycan və Rusiya prezidentləri arasında telefon danışığı olub

Azərbaycan Prezidenti İlham Əliyevlə Rusiya prezidenti Vladimir Putin arasında telefon danışığı olub.

1news.az-ın Kremlin rəsmi saytına istinadla verdiyi xəbərə görə, dövlət başçıları Suriya münaqişəsinin tənzimlənməsi məsələsini müzakirə edib, əlaqələri davam etdirmək barədə razılığa gəliblər.

“Prezidentlərin telefon danışığında ticarət-iqtisadi əməkdaşlıq və beynəlxalq gündəmin bir sıra aktual mövzuları müzakirə edilib. Suriya tənzimlənməsi məsələsinə dair fikir mübadiləsi aparan prezidentlər Rusiya və ABŞ-ın Suriyada hərbi əməliyyatların dayandırılmasına dair müştərək qətnamənin əhəmiyyətini vurğulayıblar”, - mətbuat xidmətindən qeyd ediblər.

1news.az