İlham Əliyev Avropa Komissiyasının vitse-prezidenti ilə görüşüb

Azərbaycan Prezidenti İlham Əliyev Avropa Komissiyasının Enerji ittifaqı üzrə vitse-prezidenti Maroş Şevçoviçlə görüşüb.

1news.az-ın APA-ya istinadla verdiyi xəbərə görə, bu barədə M.Şevçoviç öz Twitter səhifəsində yazıb.

Görüşdə “Cənub Qaz Dəhlizi” layihəsi ilə bağlı müzakirələr aparılıb.

“Avropanın Xəzər qazı ilə təmin edilməsi üçün davamlı öhdəlikləri qiymətləndiririk”, - deyə M.Şevçoviç bildirib.

Qeyd edək ki, görüş “Cənub Qaz Dəhlizi”Məşvərət Şurasının II toplantısı çərçivəsində baş tutub.

1news.az